- اسرائیل پر جوابی حملے کا انتظار طویل ہوسکتا ہے، ایرانی پاسداران انقلاب
- حکومت کا 8 ہزار ارب روپے کے قرضے حاصل کرنے کا منصوبہ تیار
- بلوچستان میں پولیو کا ایک اور کیس سامنے آگیا
- کراچی میں 3روز کے لیے موسم ابرآلود، ہلکی بارش اور بونداباندی کا امکان
- ایچ آر سی پی کا انٹرنیٹ اسپیڈ میں کمی اور فائر وال کی تنصیب پر سخت اظہار تشویش
- نامور مصورہ رابعہ ذاکر کا قومی ہیرو ارشد ندیم کو خراج تحسین
- چیئرمین ایف بی آر کا عملے کی جانب سے پوسٹنگ کیلیے اثرورسوخ کے استعمال کا نوٹس
- عمرہ زائرین کی آڑ میں حوالہ ہنڈی کا دھندا کرنے والا ملزم گرفتار
- ایپل صارفین دل کی دھڑکن سے فون ان لاک کر سکیں گے
- انسٹاگرام کی ورٹیکل پروفائل گرڈ کی آزمائش جاری
- بلوں میں مزید ٹیکس لگانے پر شہری کو مرتضٰی وہاب سے شکایات
- ایک اور پاکستانی ایتھلیٹ نے عالمی مقابلے میں گولڈ میڈل جیت لیا
- خیبرپختونخوا میں چینی سیاحوں کا داخلہ روکنے پر گورنر کے پی شدید برہم، رپورٹ طلب
- انٹرنیشنل کرکٹ کونسل نے ویمنز ٹی 20 ورلڈکپ کا مقام تبدیل کردیا
- وزیراعظم سے میٹا وفد کی ملاقات، ‘متعلقہ حکام کو مسائل حل کرنے کی ہدایت’
- عمران خان کی ذاتی معالجین سے طبی معائنے کیلئے اسلام آباد ہائیکورٹ میں درخواست
- کراچی؛ پکڑی گئی منشیات اور ممنوعہ اشیا کی بھاری مقدار نذر آتش
- کراچی: شاہ لطیف ٹاؤن میں پولیس مقابلے کے دوران 2 ڈاکو ہلاک
- لاہور کے علاقے میں معمولی تنازع پر گولیاں چل پڑی، 1 جاں بحق
- چیئرمین جوائنٹ چیفس آف اسٹاف جنرل ساحر شمشاد کی ارشد ندیم سے ملاقات
ایل پی جی میں کاربن ڈائی آکسائیڈ ملاکر فروخت ہونے کا انکشاف، اوگرا کا کارروائی کا فیصلہ
![فوٹو: فائل](https://c.express.pk/2024/07/2668385-lpg-1721046769-384-640x480.jpg)
فوٹو: فائل
کراچی: سندھ میں ایل پی جی میں کاربن ڈائی آکسائیڈ ملاکر فروخت کیے جانے کا انکشاف ہوا ہے جس کے بعد اوگرا نے نوٹس لیتے ہوئے کارروائی کا فیصلہ کیا ہے۔
ایکسپریس نیوز کے مطابق صوبہ سندھ کے مختلف مقامات خصوصاً سکھر کے قریب پنوعاقل میں کاربن ڈائی آکسائیڈ کے ایل پی جی میں ملانے کی اطلاعات موصول ہوئی ہیں، پنو عاقل کے اسسٹنٹ کمشنر نے چار مقامات پر چھاپے مار کر ان غیر قانونی سرگرمیوں کا سراغ لگاکر تمام مقامات کو فوری طور پر سیل کرتے ہوئے مقدمہ درج کرادیا۔
اوگرا کی انفورسمنٹ ٹیم نے پنو عاقل میں ایل پی جی سائٹس کا معائنہ کرنے کے بعد یہ نتیجہ اخذ کیا کہ تمام سائٹس غیر قانونی اور غیر محفوظ حالات میں چل رہی ہیں۔ مناسب ایل پی جی ٹینکوں کے بجائے اسٹوریج کے لئے ایل پی جی باؤزر کا استعمال کیا جارہا تھا اور غیر معیاری آلات پائے گئے تھے۔
اس حوالے سے چیئرمین اوگرا مسرور خان کی صدارت میں منعقدہ اعلیٰ سطح اجلاس میں اتھارٹی ممبران، انفورسمنٹ، لیگل اور ایل پی جی ٹیموں نے شرکت کی۔ اجلاس میں اس خطرناک عمل سے وابستہ ممکنہ طور پر قیمتی جانوں کو درپیش خطرات پر تبادلہ خیال کرتے ہوئے صوبائی چیف سیکریٹریز، اٹارنی جنرل اور صوبائی ایڈوکیٹ جنرلز پر زور دیا گیا کہ وہ اس غیر قانونی عمل کے خلاف مناسب کارروائی عمل میں لائیں۔
اجلاس میں کہا گیا کہ اوگرا اس طرح کی غیر قانونی سرگرمیوں کے خاتمے کے لئے اپنے قواعد و ضوابط کے تحت تمام قانونی آپشنز کو بروئے کار لانے کے لئے پرعزم ہے جس کا مقصد عوام کی قیمتی جانوں اور املاک کا تحفظ ہے۔
ان نتائج کے مدنظر اوگرا نے اس غیر قانونی سرگرمی کے خاتمے کے لیے تمام قانونی آپشنز استعمال کرنے کا فیصلہ کیا ہے۔ اتھارٹی نے پنو عاقل میں اپنے قانونی مشیر کو ہدایت کی ہے کہ وہ اس کیس کی پیروی کریں اور عوام کے تحفظ کے لئے اوگرا کا نقطہ نظر پیش کریں۔
اوگرا نے کمشنر سکھر اور کسٹمز کلکٹریٹ کو بھی خطوط ارسال کیے ہیں جن میں ان پر زور دیا گیا ہے کہ وہ علاقے میں ایل پی جی کی غیر قانونی فروخت کو روک کر مقامی سطح پر حفاظت کو یقینی بنائیں۔
واضح رہے کہ ایل پی جی انتہائی آتش گیر گیس ہے جس میں کاربن ڈائی آکسائیڈ کے ملاپ سے مہلک خطرات پیدا ہوتے ہیں، جن میں منفی ماحولیاتی اثرات بھی شامل ہیں۔ کاربن ڈائی آکسائیڈ میں ایل پی جی کے مقابلے میں زیادہ پریشر ہوتا ہے۔ جو سنگین حفاظتی خدشات کا سبب بن سکتا ہے کیونکہ ایل پی جی کے لئے تیار کردہ سامان مناسب طریقے سے کام نہیں کرتا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔