- کراچی میں 3روز کے لیے موسم ابرآلود، ہلکی بارش اور بونداباندی کا امکان
- ایچ آر سی پی کا انٹرنیٹ اسپیڈ میں کمی اور فائر وال کی تنصیب پر سخت اظہار تشویش
- نامور مصورہ رابعہ ذاکر کا قومی ہیرو ارشد ندیم کو خراج تحسین
- چیئرمین ایف بی آر کا عملے کی جانب سے پوسٹنگ کیلیے اثرورسوخ کے استعمال کا نوٹس
- عمرہ زائرین کی آڑ میں حوالہ ہنڈی کا دھندا کرنے والا ملزم گرفتار
- ایپل صارفین دل کی دھڑکن سے فون ان لاک کر سکیں گے
- انسٹاگرام کی ورٹیکل پروفائل گرڈ کی آزمائش جاری
- کراچی میں پانی کے بلوں میں 23 فیصد اضافہ
- ایک اور پاکستانی ایتھلیٹ نے عالمی مقابلے میں گولڈ میڈل جیت لیا
- خیبرپختونخوا میں چینی سیاحوں کا داخلہ روکنے پر گورنر کے پی شدید برہم، رپورٹ طلب
- انٹرنیشنل کرکٹ کونسل نے ویمنز ٹی 20 ورلڈکپ کا مقام تبدیل کردیا
- وزیراعظم سے میٹا وفد کی ملاقات، ‘متعلقہ حکام کو مسائل حل کرنے کی ہدایت’
- عمران خان کی ذاتی معالجین سے طبی معائنے کیلئے اسلام آباد ہائیکورٹ میں درخواست
- کراچی؛ پکڑی گئی منشیات اور ممنوعہ اشیا کی بھاری مقدار نذر آتش
- کراچی: شاہ لطیف ٹاؤن میں پولیس مقابلے کے دوران 2 ڈاکو ہلاک
- لاہور کے علاقے میں معمولی تنازع پر گولیاں چل پڑی، 1 جاں بحق
- چیئرمین جوائنٹ چیفس آف اسٹاف جنرل ساحر شمشاد کی ارشد ندیم سے ملاقات
- ’ بجلی کی قیمت میں ریلیف دیں ‘ گورنرسندھ نے وزیراعلیٰ کو خط لکھ دیا
- عالمی ادارہ صحت نے منکی پاکس سے خوفزدہ شہریوں کیلیے پیغام جاری کردیا
- بھارت؛ اسکول میں نرسری کی 2 بچیوں کیساتھ جنسی زیادتی
اسرائیل کی ایک ہفتے کے دوران 5 اسکولوں پر بمباری میں درجنوں فلسطینی شہید
![فوٹو: فائل](https://c.express.pk/2024/07/2668423-israelbombingschoolsingaza-1721051437-889-640x480.jpg)
فوٹو: فائل
![](https://c.express.pk/2024/07/israel-bombing-schools-in-gaza-1721051665.jpg)
![فوٹو: فائل](https://c.express.pk/2024/07/2668423-israelbombingschoolsingaza-1721051437-889-160x120.jpg)
غزہ: اسرائیل کی جانب سے فلسطینی مسلمانوں کی آبادیوں کے ساتھ ساتھ اسکولوں کو نشانہ بنانے کا سلسلہ بھی جاری ہے، جہاں جنگ زدہ فلسطینی پناہ لیے ہوئے ہیں، ایک ہفتے کے دوران اسرائیلی طیاروں نے پانچ اسکولوں پر بمباری کی جس کے نتیجے میں وہاں پناہ گزین درجنوں فلسطینی شہید اور 80 کے لگ بھگ زخمی ہوئے۔
الجزیرہ نے فلسطینی شہری دفاع کے حکام کے حوالے سے بتایا ہے کہ اتوار کو اسرائیلی طیاروں نے نصیرت پناہ گزین کیمپ میں اقوم متحدہ کے تحت چلنے والے اسکول پر بم برسائے جس کے نتیجے میں کم از کم 17 افراد شہید اور 80 کے لگ بھگ زخمی ہوئے، ان میں اکثریت بچوں اور خواتین کی تھی۔
قبل ازیں 9 جولائی کو خان یونس کے الاودا اسکول کے قریب نصب خیموں پر شدید بمباری کے نتیجے میں 29 فلسطینی شہید ہوگئے تھے۔
اس سے دو روز قبل غزہ سٹی میں چرچ کے زیراہتمام ہولی فیملی اسکول کو صہیونی طیاروں نے نشانہ بنایا تھا جس میں چار افراد جاں بحق ہوئے تھے۔
اسرائیل غزہ میں واقع ا سکولوں کو، جہاں فلسیطنی باشندے پناہ لیے ہوئے ہیں، تسلسل سے نشانہ بنارہا ہے۔ اسرائیلی حکام درس گاہوں پر بموں کی صورت میں موت برسانے کا یہ جواز پیش کرتے ہیں کہ یہاں حماس کے جنگجو پناہ لیے ہوئے ہیں مگر وہ اب تک ان پناہ گاہوں میں حماس کے جنگجوؤں کی موجودگی کا ثبوت پیش کرنے میں ناکام رہے ہیں۔
صہیونی طیاروں نے 7 اکتوبر 2023 سے شروع ہونے والی جنگ کے دوران شہری عمارتوں اور اسکولوں کو تواتر سے نشانہ بنایا ہے۔ ہفتے کو سیف زون قرار دیے گئے ال مواصی کے علاقے میں اسرائیلی طیاروں نے بمباری کی جس کے نتیجے میں 90 فلسطینی شہید اور 300 سے زائد زخمی ہوگئے۔
7 اکتوبر سے شروع ہونے والی جنگ میں اسرائیل غزہ میں اب تک 400 اسکولوں کو بمباری سے تباہ کرچکا ہے، جبکہ جون میں اقوام متحدہ کی انسانی حقوق کونسل نے رپورٹ جاری کی تھی کہ اسرائیل کی جانب سے شہری عمارتوں بشمول اسکولوں کو نشانہ بنانا بین الاقوامی قوانین کی خلاف ورزی ہے۔
واضح رہے کہ نو ماہ سے جاری جنگ کے دوران ا سرائیلی بمباری میں اب تک 38600 سے زائد فلسطینی شہید ہوچکے ہیں جن میں اکثریت بچوں اور خواتین کی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔