حکومت نے پٹرولیم مصنوعات کی قیمتوں میں بڑا اضافہ کردیا

ویب ڈیسک  پير 15 جولائی 2024
 فوٹو: فائل

فوٹو: فائل

 اسلام آباد: حکومت نے بجلی کے بعد عوام پر پٹرول بم گراتے ہوئے  پٹرولیم مصنوعات کی قیمتوں میں 9.99 روپے فی لیٹر تک  اضافہ کردیا۔

ایکسپریس نیوز کے مطابق بجلی  کے نرخوں میں ہوشربا اضافے کے ہاتھوں پریشان عوام پر حکومت نے پٹرول بم  گرادیا۔ پٹرولیم مصنوعات کی قیمتوں میں 9.99  روپے فی لیٹر تک  اضافہ کردیا گیا۔

وزارت خزانہ کی جانب سے جاری کردہ نوٹیفکیشن کے مطابق پٹرول کی قیمت میں 9.99روپے فی لیٹر اضافہ کیا گیا ہے جس کے بعد فی لیٹر پٹرول کی قیمت بڑھ کر 275 روپے 60  پیسے ہوگئی ہے۔

ہائی اسپیڈ ڈیزل کی قیمت  6 روپے 18 پیسے بڑھائی گئی ہے جس کے بعد  فی لیٹر ڈیزل 283 روپے 63 پیسے پر پہنچ گیا ہے۔

نوٹیفکیشن کے مطابق قیمتوں کا اطلاق شب 12 بجے سے ہوگیا ہے ، یہ قیمتیں آئندہ 15 روز تک لاگو رہیں گی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔