ٹرمپ کے نامزد کردہ نائب صدر کی اہلیہ بھارتی نژاد اوشا کون ہیں

ڈونلڈ ٹرمپ اور ریپبلکن نے نائب صدر کے لیے جے ڈی وانس کو نامزد کردیا جن کی اہلیہ بھارتی نژاد ہیں

ویب ڈیسک July 16, 2024

ڈونلڈ ٹرمپ اور ریپبلکن نے نائب صدر کے لیے جے ڈی وانس کو نامزد کردیا جن کی اہلیہ بھارتی نژاد ہیں

سابق امریکی صدر ڈونلڈ ٹرمپ نے انتخابی مہم کے دوران اپنے نائب صدر کے نام کا اعلان کردیا جن کی اہلیہ بھارتی نژاد اوشا چلوکوری وانس ہیں۔

نیویارک ٹائمز کے مطابق ریپبلکن جماعت کی جانب سے نائب صدر کے لیے نامزد ہونے والے جے ڈی وانس کی اہلیہ اوشا چلوکوری بھارتی تارکین وطن والدین کی بیٹی ہیں۔

مضافاتی علاقوں میں پرورش پانے والی اوشا چلوکوری وانس نے ییل یونیورسٹی سے تاریخ میں بیچلر اور کیمبرج یونیورسٹی سے فلسفے میں ماسٹر کی ڈگری حاصل کی۔

انھوں نے ییل جرنل آف لاء اینڈ ٹیکنالوجی کے منیجنگ ایڈیٹر اور دی ییل لا جرنل کے ایگزیکٹو ڈیولپمنٹ ایڈیٹر کے طور پر خدمات انجام دیں اور آج کل منگیر، ٹولس اینڈ اولسن لا فرم سے منسلک ہیں۔

یہ خبر پڑھیں : ڈونلڈ ٹرمپ ریپبلیکن پارٹی کے صدارتی، جے ڈی وینس نائب صدرارتی امیدوار نامزد

ٹرمپ کے نامزد کردہ نائب صدر کی بھارتی نژاد اہلیہ اوشا وانس نے سپریم کورٹ کے جسٹس جان رابرٹس اور بریٹ کیوانا کے لیے کلرک کے طور پر قانونی میدان میں ایک ممتاز کیریئر بنایا ہے۔

بھارتی نژاد اوشا اور جے ڈی وانس کی پہلی ملاقات ییل لا اسکول میں ہوئی تھی اور 2014 میں شادی کے بندھن میں بندھ گئے۔ اُن کے 3 بچے ہیں۔