زیارت میں گاڑی کھائی میں گرنے سے 5 دوست جاں بحق
حادثہ زیارت کے علاقے ڈومیر امیں میں موڑ کاٹتے ہوئے پیش آیا، تمام کا تعلق کوئٹہ سے تھا، لیویز
July 17, 2024
بلوچستان کے علاقے زیارت میں گاڑی کھائی میں گرنے سے پانچ مقامی سیاح جاں بحق ہوگئے۔
لیویز حکام کے مطابق کوئٹہ سے پکنک کے لیے زیارت آنے والے بدقسمت سیاحوں کی گاڑی کو حادثہ زیارت کے علاقے ڈومیر امیں میں پیش آیا اور کار ایک موڑ کاٹتے ہوئے ڈرائیور کے قابو سے باہر ہوئی۔
گہر کھائی میں گرنے کے باعث گاڑی مکمل تباہ جبکہ اُس میں بیٹھے پانچ افراد موقع پر ہی جاں بحق ہوگئے، جن میں ڈرائیور بھی شامل ہے جبکہ دو زخمیوں کو تشویشناک حالت میں ڈی ایچ کیو اسپتال منتقل کردیا گیا ہے۔
متوفین آپس میں دوست اور رشتے دار تھے جو یوم عاشور کی چھٹی کا فائدہ اٹھاتے ہوئے پکنک منانے کیلیے زیارت آئے تھے۔ انتظامیہ نے ضابطے کی کارروائی کے بعد مقتولین کی لاشیں آبائی علاقے روانہ کردیں۔