فٹبال ورلڈ کپ کوسٹاریکانےیونان کوپنالٹی ککس پرہرا کرکوارٹرفائنل کیلئےکوالیفائی کرلیا

کوسٹا ریکا نے پنالٹی ککس پر 5 کے مقابلے میں 3 گول کر کے کامیابی حاصل کر لی۔ فوٹو؛ اے ایف پی

---

برازیل میں جاری ورلڈ کپ کے پری کوارٹر فائنل کے میچ میں کوسٹا ریکا نے یونان کو پنالٹی ککس پر ہرا کر ورلڈ کپ کی تاریخ میں پہلی مرتبہ کواٹر فائنل کے لیے کوالیفائی کر لیا ہے۔

برازیل میں جاری فیفا ورلڈ کپ کے پری کوارٹر فائنل میچ میں کوسٹا ریکا اور یونان کے درمیان ہونے والا میچ مقررہ وقت تک ایک ایک گول سے برابر رہا پھر دونوں ٹیموں کو ایکسٹرا ٹایم دیا گیا تاہم اس میں بھی کوئی ٹیم گول نہ کر سکی اور پھر میچ کا فیصلہ پنالٹی ککس پر ہوا جس میں کوسٹا ریکا نے 5 کے مقابلے میں 3 گول کر کے کامیابی حاصل کر لی۔

کوسٹا ریکا اور یونان کے درمیان ہونے والا میچ پہلے ہاف میں بغیر کسی گول کے برابر رہا۔ میچ کے دوسرے ہاف میں کوسٹا ریکا کے کپتا رویز نے گول کر کے ٹیم کو برتری دلوا دی جو یونان کے سوکراتیس پاپاستاتھوپولوس نے 90 ویں منٹ میں گول کر کے برابر کردی۔ ایکسٹرا ٹائم میں دونوں ٹیموں نے ایک دوسرے کے گولوں پر پے درپے حملے کئے تاہم کوی بھی ٹیم گول نہ کر سکی۔

اس سے قبل فیفا ورلڈ کپ کے ناک آؤٹ مرحلے میں ہالینڈ نے میکسیکو کو 2 کے مقابلے میں ایک گول سے شکست دے کر کوارٹر فائنل کے لئے کوالیفائی کیا تھا۔ کوارٹر فائنل میں کوسٹا ریکا اور ہالینڈ آمنے سامنے ہوں گے۔