کاجول اور کرینہ کپور سے دور تک کوئی مقابلہ نہیں عالیہ بھٹ

عالیہ بھٹ ہدایت کار کرن جوہر کی نئی آنے والی فلم ہمٹی شرما کی دلہنیا میں ورن دھون کے ساتھ مرکزی کردار ادا کر رہی ہیں. فوٹو: فائل

---

بالی ووڈ اداکارہ عالیہ بھٹ نے کہا ہے کہ کاجول اور کرینہ کپور جیسی سپر اسٹارز سے ان کا موازنہ کرنا درست نہیں ہے، ان سے دور تک کوئی مقابلہ نہیں ہے۔

بھارتی میڈیا رپورٹس کے مطابق عالیہ بھٹ کا کہنا تھا کہ اداکارہ کاجول بہت ہی اچھی اداکارہ ہیں، ان کی اداکاری آنکھوں سے جھلکتی ہے، میرا کاجول اور کرینہ کپور جیسی سپر اسٹارز سے موازنہ کرنا درست نہیں ہے، میں تو ان کے قریب بھی نہیں ہوں۔ ان کا کہنا تھا کہ نئی آنے والی فلم ''ہمٹی شرما کی دلہنیا'' کا کاجول کی ریکارڈ ساز فلم ''دل والے دلہنیا لے جائیں گے'' سے موازنہ بھی درست نہیں ہے کیونکہ یہ دونوں فلمیں ایک دوسرے سے بالکل ہی مختلف ہیں۔

واضح رہے کہ عالیہ بھٹ ہدایت کار کرن جوہر کی نئی آنے والی فلم ہمٹی شرما کی دلہنیا میں ورن دھون کے ساتھ مرکزی کردار ادا کر رہی ہیں۔ عالیہ بھٹ اور ورن دھون کی نئی آنے والی فلم 11 جولائی کو سینما گھروں کی زینت بنے گی۔