کراچی شہید پولیس اہلکار کی نماز جنازہ ادا صوبائی وزیر داخلہ کی ورثا سے ملاقات
وزیر داخلہ سندھ نے شہید کے ورثا کے لیے مروجہ مراعات کی فراہمی کے لیے حکم جاری کردیا
فوٹو ایکسپریس
شہر قائد کے ضلع وسطی کے علاقے فیڈرل بی ایریا میں دہشت گردوں کی فائرنگ سے شہید ہونے والے اہلکار کی نماز جنازہ گارڈن پولیس ہیڈ کوارٹر میں ادا کی گئی۔
تفصیلات کے مطابق سمن آباد تھانے میں تعینات پولیس اہلکار یوسف کو فیڈرل بی ایریا میں نامعلوم دہشت گردوں نے فائرنگ کر کے زخمی کیا اور سرکاری ایس ایم جی چھین کر لے گئے تھے۔
بعد ازاں زخمی یوسف نے اسپتال میں دوران علاج دم توڑ دیا تھا۔ شہید اہلکار کی نماز جنازہ نماز جنازہ گارڈن پولیس ہیڈ کوارٹر ساؤتھ ادا کی گئی جس میں وزیر داخلہ سندھ ضیا الحسن لنجار ، آئی جی سندھ غلام نبی میمن ، کراچی پولیس چیف جاوید عالم اوڈھو ، زونل ڈی آئی جیز اور پولیس اور رینجرز کے افسران و اہلکاروں سمیت مقتول اہلکار کے ورثا، رشتے داروں ، دوست احباب اور اہل محلہ نے شرکت کی۔
مزید پڑھیں: کراچی، نامعلوم ملزمان نے 25 سالہ پولیس اہلکار کو قتل کردیا، رائفل چھین کر فرار
اس موقع پر وزیر داخلہ سندھ نے شہید کانسٹیبل کے ورثا سے تعزیت اور ہمدردی کا اظہار کرتے ہوئے کہا کہ حکومت سندھ اور محکمہ پولیس سندھ دکھ کی اس گھڑی میں آپ کے ساتھ کھڑی ہے۔ انھوں نے سندھ پولیس کے لیے شہید کانسٹیبل کی خدمات کو خراج عقیدت پیش کرتے ہوئے کہا کہ شہدائے پولیس کی عوام کی جان و مال کی سلامتی اور قیام امن کے لیے دی جانیوالی قربانیاں انمول اور ناقابل فراموش ہے۔
وزیر داخلہ سندھ نے شہید کے ورثا کے لیے مروجہ مراعات کی فراہمی کے لیے موقع پر موجود سینئر افسران کو خصوصی احکام بھی جاری کیے ۔
تفصیلات کے مطابق سمن آباد تھانے میں تعینات پولیس اہلکار یوسف کو فیڈرل بی ایریا میں نامعلوم دہشت گردوں نے فائرنگ کر کے زخمی کیا اور سرکاری ایس ایم جی چھین کر لے گئے تھے۔
بعد ازاں زخمی یوسف نے اسپتال میں دوران علاج دم توڑ دیا تھا۔ شہید اہلکار کی نماز جنازہ نماز جنازہ گارڈن پولیس ہیڈ کوارٹر ساؤتھ ادا کی گئی جس میں وزیر داخلہ سندھ ضیا الحسن لنجار ، آئی جی سندھ غلام نبی میمن ، کراچی پولیس چیف جاوید عالم اوڈھو ، زونل ڈی آئی جیز اور پولیس اور رینجرز کے افسران و اہلکاروں سمیت مقتول اہلکار کے ورثا، رشتے داروں ، دوست احباب اور اہل محلہ نے شرکت کی۔
مزید پڑھیں: کراچی، نامعلوم ملزمان نے 25 سالہ پولیس اہلکار کو قتل کردیا، رائفل چھین کر فرار
اس موقع پر وزیر داخلہ سندھ نے شہید کانسٹیبل کے ورثا سے تعزیت اور ہمدردی کا اظہار کرتے ہوئے کہا کہ حکومت سندھ اور محکمہ پولیس سندھ دکھ کی اس گھڑی میں آپ کے ساتھ کھڑی ہے۔ انھوں نے سندھ پولیس کے لیے شہید کانسٹیبل کی خدمات کو خراج عقیدت پیش کرتے ہوئے کہا کہ شہدائے پولیس کی عوام کی جان و مال کی سلامتی اور قیام امن کے لیے دی جانیوالی قربانیاں انمول اور ناقابل فراموش ہے۔
وزیر داخلہ سندھ نے شہید کے ورثا کے لیے مروجہ مراعات کی فراہمی کے لیے موقع پر موجود سینئر افسران کو خصوصی احکام بھی جاری کیے ۔