’’جلوے‘‘ سے سعود کی فلموں میں واپسی فلم عید پر ریلیز ہوگی

علیحدگی اختیار نہیں کی تھی، معیاری فلموں سے ہی انڈسٹری کو ترقی ملے گی، اداکار، فوٹو: فائل

---

پاکستان میں فلموں کی بحالی اور اور کامیابی کے بعد فلموں سے وقتی طور پر علیحدگی اختیار کرنے والے فنکاروں نے دوبارہ فلموں میں کام کا آغاز کردیا ۔

ادکار سعود جو پاکستانی فلموں کا سپر اسٹار رہے ہیں انھوں نے بھی ایک بار پھر فلموں میں بطور ہیرو کرادر ادا کرکے اپنی واپسی کا اعلان کیا ہے۔ گزشتہ دنوں انھوں نے پنجابی فلم ''جلوے'' میں مرکزی کردار ادا کیا تھا' یہ فلم مکمل ہوچکی ہے۔

خیال کیا جارہا ہے کہ یہ فلم عید کے موقع پر نمائش کے لیے پیش کردی جائے گی،سعود کا کہنا ہے فلموں سے علیحدگی اختیار نہیں کی تھی بلکہ پاکستان میں فلمیں نہیں بن رہی تھیں،اب جب کہ فلموں کی رونقیں واپس آئی ہیں وہ اچھی اور معیاری فلموں میں کام کرنے کو ترجیح دیں گے، اچھی اور معیاری فلمیں بنیں گی تو فلم انڈسٹری بھی ترقی کرے گی،انھوں نے کہا کہ ٹیلی ویژن پروڈکشن کے ساتھ وہ فلم بنانے کا بھی ارادہ رکھتے ہیں جس کا فیصلہ جلد کرلیا جائے گا۔