اپنی غلطیوں سے بہت کچھ سیکھا ہے اب ہر فیصلہ سوچ سمجھ کر کروں گی عینی

خُدا نے آپ کے لیے جورشتے بنا ئے ہیں وہ ہمیشہ آپ کے ساتھ رہتے ہیں،گلوکارہ، فوٹو : فائل

---

گلوکارہ عینی نے کہا ہے کہ زندگی میں ہر انسان سے غلطیاں ہوتی ہیں اور بطور انسان میرے سے بھی بہت سی غلطیاں ہوئیں لیکن اچھی بات یہ ہے کہ میں نے اپنی غلطیوں سے بہت کچھ سیکھا ہے اور اب مجھ میں زیادہ شعور پیدا ہوچکا ہے۔

ان خیالات کااظہار عینی نے ''ایکسپریس'' سے کیا۔ انھوں نے کہا کہ خُدا نے آپ کے لیے جورشتے بنا ئے ہیں وہ ہمیشہ آپ کے ساتھ رہتے ہیں ۔ انھوں نے کہا کہ اب میں ماضی کوبھول کر اپنی آنیوالی زندگی کا ہر فیصلہ اور قدم سوچ سمجھ کر اٹھاؤں گی اور مجھے امید ہے کہ خدا میرے لیے بہتر کرے گا ۔