پاک کالونی میں مبینہ پولیس مقابلہ ایک زخمی سمیت دو ڈاکو گرفتار

پاک کالونی پولیس نے مبینہ مقابلے کے بعد ایک زخمی سمیت 2 ڈاکوؤں کو گرفتار کر کے اسلحہ اور دیگر مسروقہ سامان برآمد کر لیا۔

تفصیلات کے مطابق پاک کالونی پولیس نے اتوار اور پیر کی درمیانی شب ریکسل میوہ شاہ قبرستان کے قریب سے مبینہ مقابلے کے بعد ایک زخمی دو ڈاکوؤں کو گرفتار کر لیا، زخمی حالت میں گرفتار ڈاکو کو طبی امداد ک لیے سول اسپتال منتقل کیا گیا۔


ترجمان کراچی پولیس کے مطابق زخمی حالت میں گرفتار ملزم کی شناخت بلال ولد آصف کے نام سے کی گئی جبکہ دوسرے گرفتار ملزم نے اپنا نام احسان بتایا۔

گرفتار ملزمان سے ایک پستول ، موبائل فون ، نقدی اور موٹرسائیکل برآمد کی گئی۔