بھارت رواں برس ایک ہزار سے زائد کسانوں کی خودکشی

مودی سرکار کی اس متنازع پالیسی سے کسانوں کے گھروں کے چولہے ٹھنڈے ہوگئے

ویب ڈیسک July 22, 2024

مودی سرکار کی اس متنازع پالیسی سے کسانوں کے گھروں کے چولہے ٹھنڈے ہوگئے

مودی سرکار کی متنازع پالیسی کے باعث بھارت کی صرف ایک ریاست مہاراشٹرا میں رواں برس کے ابتدائی 6 ماہ میں 1267 کسان اپنے ہی ہاتھوں اپنی زندگیاں ختم کرنے پر مجبور ہوگئے۔

عالمی خبر رساں ادارے کے مطابق بھارت کے نیشنل کرائم ریکارڈز بیورو کی جانب سے جاری کیے گئے اعداد و شمار نے مودی سرکار کی کسان دشمن پالیسی کا پردہ فاش کردیا۔

این سی آر بی کی رپورٹ میں بتایا گیا ہے کہ بھارت میں کسانوں کی خودکشی کرنے کے واقعات ریاست مہاراشٹرا میں زیادہ رہے ہیں۔

رپورٹ میں کہا گیا ہے ملک بھر میں کسانوں کی خودکشی کے واقعات میں مہاراشٹر کا حصہ 35 فیصد سے زائد رہتا ہے۔

یاد رہے کہ مودی کی کسان دشمنی پالیسی کے خلاف ملک بھر کے کسانوں نے مارچ ٹو دہلی ریلی بھی نکالی تھی اور لاکھوں کی تعداد میں کسان دارالحکومت پہنچے تھے لیکن مودی کے کان ہر جوں تک نہ رینگی تھی۔

مودی سرکار کی اس متنازع پالیسی سے کسانوں کے گھروں کے چولہے ٹھنڈے ہوگئے ہیں۔