قوم کا ٹیکس سہولتوں پر لگایا جائے تو بارش رحمت بن کر برستی ہے حنا بیات
اداکارہ نے انسٹاگرام پر اپنی ایک تصویر پوسٹ کی جو امریکا میں لی گئی تھی
پاکستانی شوبز انڈسٹری کی سینئر اداکارہ حنا بیات نے سوشل میڈیا پیغام میں کہا ہے جہاں قوم کے ٹیکس کا پیسہ سہولتوں پر لگایا جاتا ہے، وہاں بارش رحمت بن کر برستی ہے۔
اداکارہ نے انسٹاگرام پر اپنی ایک تصویر پوسٹ کی جو امریکا میں لی گئی تھی اور عقب میں ریاست ورجینیا کی مشہور عمارت 'ویسٹ ورجینیا کیپیٹل بلڈنگ' بھی موجود ہے۔
حنا بیات نے پاکستان میں بارشوں کی تباہیوں پر حکومت پر تنقید کرتے ہوئے لکھا کہ برسات تو ہر جگہ ہوتی ہے لیکن جہاں ٹیکس کا پیسہ عوامی سہولتوں پر لگایا جائے وہاں برسات رحمت بن کر آتی ہے۔