کرکٹ ورلڈ کپ لیگ 2 نمیبیا کا عمان کو جیت کے لیے 197 رنز کا ہدف
نمیبیا نے مقررہ 50 اوورز میں 9 وکٹوں کے نقصان پر 196 رنز اسکور کیے
آئی سی سی مینز کرکٹ ورلڈ کپ لیگ 2 میں نمیبیا نے عمان کو 197 رنز کا ہدف دے دیا۔
ڈنڈی میں کھیلے جانے والے کرکٹ ورلڈ کپ لیگ 2 کے 17 ویں میچ میں عمان کی دعوت پر پہلے بیٹنگ کرتے ہوئے نمیبیا نے مقررہ 50 اوورز میں 9 وکٹوں کے نقصان پر 196 رنز اسکور کیے۔
نمیبیا کی جانب سے ملان کروگر 73 رنز بنا کر آؤٹ ہوئے۔ جے جے اسمٹ 41، مائیکل وین لنجن 40، جین فرائلنک 12، کپتان جرہرڈ ایریسمس 8، جے پی کوٹزے 5، لو-ہانڈرے لورنس 4، برنرڈ شولٹز 3 اور جیک بریسل 1 رن بنا کر آؤٹ ہوئے۔
ٹینجنی لنگامینی 1 رن بنا کر ناٹ آؤٹ پویلین لوٹے۔
عمان کی جانب سے بلال خان نے 3، فیاض بٹ نے 2، جبکہ کلیم اللہ، جے اوڈیڈرا اور شعیب خان نے 1، 1 وکٹ حاصل کی۔