کراچی میں پولیس کی کارروائی4 مبینہ ٹارگٹ کلرز سمیت 19 ملزمان گرفتار

مختلف علاقوں میں کارروائیاں کرکے اسٹریٹ کرائمز اور ڈکیتیوں میں ملوث 8 گروہ کو بھی ختم کردیا،پولیس،فوٹو:ایکسپریس/ساجد رؤف

---

ایسٹ زون پولیس نے مختلف علاقوں میں کارروائیاں کرکے 4 مبینہ ٹارگٹ کلرز سمیت 19 ملزمان کو گرفتار کرلیا۔

ایکسپریس نیوز کےمطابق ایسٹ زون پولیس نے مختلف علاقوں میں کارروائیاں کرکے 4 مبینہ ٹارگٹ کلرز سمیت اسٹریٹ کرائمزاورڈکیتیوں میں ملوث 19 ملزمان کو گرفتا کرلیا۔ ایس ایس پی ایسٹ پیر محمد شاہ کے مطابق پولیس نے مقابلے کےبعد 4 ٹارگٹ کلرز کو گرفتار کیا جبکہ ایک ملزم مقابلے کے دوران ماراگیا،ملزمان سے مختلف اقسام کے 19 ہتھیار بھی برآمد کیے گئے ہیں۔

پیر محمد شاہ نے بتایا کہ پولیس نے مختلف علاقوں میں کارروائیاں کرکے اسٹریٹ کرائمز اور ڈکیتیوں میں ملوث 8 گروہ کو بھی ختم کردیا جبکہ کارروائیوں کے دوران ایک زخمی ملزم سمیت 19 ملزمان کو بھی گرفتار کیا گیا ہے۔ پیر محمد شاہ کا کہنا تھا کہ ملزمان پولیس کو ڈکیتیوں کی وارداتوں میں مطلوب تھے۔