اورنگی ٹاؤن اسکیم 33 میں فائرنگ 2 افراد زخمی

دونوں واقعات کی تحقیقات کیلئے پولیس نے کارروائی کا آغاز کردیا (فوٹو: فائل)

---

شہر قائد کے علاقے اورنگی ٹاؤن اور اسکیم 33 میں فائرنگ کے واقعات میں 2 افراد زخمی ہوگئے۔

تفصیلات کے مطابق اقبال مارکیٹ کے علاقے اورنگی ٹاؤن سیکٹر ساڑھے 11 ڈبا موڑ کے قریب فائرنگ سے ایک شخص زخم ہوگیا، زخمی ہونے والے شخص کو طبی امداد کیلئے جناح اسپتال منتقل کردیا گیا۔

ترجمان کراچی پولیس کے مطابق زخمی ہونے والے شخص کی شناخت 40 سالہ ساجد ولد اشفاق کے نام سے کی گئی ہے جبکہ سچل کے علاقے اسکیم 33 مدراس چوک کے قریب فائرنگ سے ایک شخص زخمی ہوگیا، زخمی ہونے والے شخص کو عباسی شہید اسپتال منتقل کیا گیا۔

پولیس کے مطابق زخمی ہونے والے شخص کی شناخت 48 سالہ سید کاشف ولد سید ہاشم کے نام سے کی گئی۔

دونوں واقعات کی تحقیقات کیلئے پولیس نے کارروائی کا آغاز کردیا ہے۔