ویمن ایشیا کپ میں پاکستان کا سفر تمام سری لنکا کی فائنل میں رسائی

سری لنکن کپتان نے 63 رنز کی شاندار اننگز کھیلی (فوٹو کرک انفو)

---

ویمن ایشیا کپ کے سیمی فائنل میں سری لنکا نے پاکستانی ٹیم کو تین وکٹوں سے شکست دے کر ایونٹ میں سفر تمام کردیا۔

تفصیلات کے مطابق دمبولا میں کھیلے گئے میچ میں پاکستانی ٹیم نے مقررہ بیس اوورز میں چار وکٹوں کے نقصان پر 140 رنز بنائے اور سری لنکا کو جیت کیلیے 141 رنز کا ہدف دیا تھا۔

سری لنکا نے پاکستان کی جانب سے دیا گیا 141 رنز کا ہدف 19.5 اوورز میں 7 وکٹوں کے نقصان پر حاصل کیا۔ لنکن کپتان چماری اتھاپتتھو نے 63 رنز کی شاندار اننگز کھیلی جبکہ پاکستانی بالر سعدیہ اقبال نے چار وکٹیں لیں۔

ویمن ایشیا کپ کا فائنل اتوار کو بھارت اور سری لنکا کے درمیان ہوگا۔

اس سے قبل پاکستان ویمنز ٹیم نے مقررہ 20 اوور میں 4 وکٹوں کے نقصان پر 140 رنز بنائے، اوپنر منیبہ علی نے 37 اور گل فروزا 25 رنز جبکہ کپتان ندا ڈار نے 23 رنز کی اننگز کھیل کر نمایاں بلے باز رہی تھیں۔

اس کے علاوہ فاطمہ ثناء 23 اور عالیہ ریاض 16 رنز بنا کر ناقابل شکست رہیں۔ سری لنکا ویمنز کی جانب سے اودیشیکا اور کاویشا نے دو دو وکٹیں حاصل کیں تھیں۔