اورنگی ٹاؤن کے گھر میں گیس سلنڈر دھماکہ 11 افراد زخمی
دھماکہ جس گھر میں ہوا وہاں سات افراد جھلس کر زخمی ہو گئے
شہر قائد کے علاقے اونگی ٹاؤن کے ایک گھر میں گیس سلنڈر کے دھماکے سے 11 افراد زخمی ہو گئے ہیں۔
گیس سلنڈر کے زوردار دھماکے باعث گھر کی دیوار اور چھت گر گئی، جبکہ متاثرہ دیوار کا ملبہ پڑوسی کے گھر میں گرا۔
دیوار کا ملبہ گرنے سے اقرا نامی خاتون سمیت اس کے چار سالہ بیٹی ندا اور دو نومولود جڑواں بچے حسن اور حسین بھی زخمی ہو گئے۔
جبکہ دھماکہ جس گھر میں ہوا وہاں سات افراد جھلس کر زخمی ہو گئے۔
پڑوس میں دیوار گرنے سے گھر کے دو کمرے بھی متاثر ہوئے، علاقہ مکینوں کا کہنا ہے کہ مجموعی طور پر 11 افراد زخمی ہوئے ہیں۔