10 لاکھ چھوٹے تاجروں کے بجلی کے بلوں پر 75 فیصد اضافی ٹیکس عائد

فنانس ایکٹ کے ذریعے نافذ ہونے والے ٹیکس پر آئندہ آنیوالے بلوں کیساتھ وصولی شروع کردی جائیگی

Irshad Ansari July 02, 2014

فنانس ایکٹ کے ذریعے نافذ ہونے والے ٹیکس پر آئندہ آنیوالے بلوں کیساتھ وصولی شروع کردی جائیگی۔ فوٹو : فائل

وفاقی حکومت نے ملک بھرکے دس لاکھ کے لگ بھگ چھوٹے تاجروں پربجلی پر سترہ فیصد سیلز ٹیکس کے علاوہ بجلی کے بلوں کیساتھ مزید ساڑھے سات فیصدٹیکس عائد کردیا ہے۔

تفصیلات کے مطابق مذکورہ ٹیکس کا اطلاق گذشتہ روزسے کردیاگیا ہے اورآئندہ آنیوالے بلوں کیساتھ اس ٹیکس کی وصولی شروع کردی جائیگی۔تاجروں پر یہ ٹیکس فنانس ایکٹ کے ذریعے نافذکیا گیا ہے جسکے مطابق بیس ہزارماہانہ تک بجلی کا بل رکھنے والے تاجروں پرسترہ فیصدسیلزٹیکس کے علاوہ پانچ فیصدمزیدٹیکس عائدکیاگیا ہے جبکہ بیس ہزارماہانہ سے زائدبجلی کا بل رکھنے والے تاجروں پر17فیصدسیلزٹیکس کے علاوہ 7.5 فیصد مزید ٹیکس عائدکیاگیا ہے۔ذرائع کاکہناہے کہ مذکورہ ان ڈائریکٹ ٹیکس کی وجہ سے مہنگائی میںمزیداضافے کاخطرہ ہے۔