پیکا ایکٹ کے تحت مقدمے میں پی ٹی آئی سوشل میڈیا ایکٹوسٹ عروبہ کومل کی ضمانت منظور

عروبہ کومل کو 50 ہزار روپے کے مچلکے پر ضمانت دی گئی:فوٹو:فائل

---

اسلام آباد کی عدالت نے پیکا ایکٹ کے تحت درج مقدمے میں پی ٹی آئی کی سوشل میڈیا ایکٹوسٹ عروبہ کومل کی ضمانت منظور کرلی۔

ڈسٹرکٹ اینڈ سیشن کورٹس اسلام آباد کے جوڈیشل مجسٹریٹ شبیر بھٹی نے 50 ہزار روپے کے مچلکوں کے عوض عروبہ کومل کی ضمانت منظور کی۔ درخواست گزار کے وکیل نے موقف اختیار کیا کہ اسی مقدمے میں پہلے سے 2 خواتین کی ضمانت منظور ہوچکی ہے۔ عروبہ کومل ایف آئی آر میں بھی نامزد نہیں ہیں۔

مزید پڑھیں: رؤف حسن کا مزید دو روز کا جسمانی ریمانڈ منظور، سیدہ عروبہ کو جیل بھیجنے کا حکم

عروبہ کومل کو گزشتہ روز ڈیوٹی جج مرید عباس نے جوڈیشل ریمانڈ پر جیل بھیج دیا تھا۔ ترجمان پی ٹی آئی رؤف حسن عروبہ کومل اور دیگر کارکنان کے خلاف پیکا ایکٹ کے تحت مقدمہ درج ہے۔