کراچی کے مختلف علاقوں میں رینجرز اور پولیس کی مشترکہ کارروائیاں 4 دہشتگردوں سمیت 55 ملزمان گرفتار
شرپسندوں کے خلاف کارروائی نیو کراچی، لیاری، بھینس کالونی، موچکو اور دیگر علاقوں میں کی گئی
ملزمان میں 4 دہشتگرد بھی شامل ہیں جو ٹارگٹ کلنک کی مختلف وارداتوں میں مطلوب تھے، پولیس فوٹو: فائل
کراچی کے مختلف علاقوں میں رینجرز اور پولیس کی مشترکہ کارروائیوں کے نتیجے میں 4 مبینہ دہشتگردوں سمیت 55 ملزمان کو گرفتار کرلیا گیا ۔
ایکسپریس نیوز کے مطابق رینجرز اور پولیس نے کراچی کے مختلف علاقوں میں سرچ آپریشن کے دوران 55 ملزمان کو گرفتار کرتے ہوئے ان کے قبضے سے اسلحہ ، منشیات اور دیگر سامان برآمد کرلیا۔ شرپسندوں کے خلاف کارروائی نیو کراچی، لیاری، بھینس کالونی، موچکو اور دیگر علاقوں میں کی گئی جہاں سے مجموعی طور پر 55 ملزمان کو گرفتار کرتے ہوئے دھانے منتقل کردیا۔
پولیس کے مطابق گرفتار ملزمان میں 4 دہشتگرد بھی شامل ہیں جو ٹارگٹ کلنک کی مختلف وارداتوں میں مطلوب تھے تاہم ملزمان سے تفتیش شروع کردی گئی ہے۔