ایکسائز نارکوٹکس کنٹرول کی کارروائی تعلیمی اداروں میں منشیات سپلائی کرنے والا گرفتار

کراچی میں تعلیمی اداروں میں منشیات سپلائی کرنے والے شخص کو گرفتار کرلیا گیا۔


ایکسائز نارکوٹکس کنٹرول نے کراچی کے علاقے ملیر میں کارروائی کرتے ہوئے تعلیمی اداروں میں منشیات سپلائی کرنے والے ملزم کو گرفتارکرلیا۔ ملزم فیضان کراچی کی یونیورسٹیز، کالجز اور ہاسٹلز میں منشیات سپلائی کرنے والے گروہ کا کارندہ ہے۔

ایکسائز حکام کے مطابق ملزم محمد فیضان کے قبضے سے 6 گرام کوکین ، 150گرام آئس اور 110گرام کیٹا مائن برآمد کرلی گئی۔ ایکسائزنارکوٹکس کنٹرول نے ملزم کے خلاف مقدمہ درج کرکے تفتیش شروع کر دی ہے۔