خلیل الرحمٰن قمر کو ہنی ٹریپ کرنے والے ماسٹر مائنڈ کے بارے میں اہم انکشاف

ماسٹر مائنڈ حسن شاہ کا ساتھی رفیق عرف فیکو قتل سمیت سنگین جرائم میں ملوث رہا ، پولیس ریکارڈ

---

ڈرامہ نگار خلیل الرحمٰن قمر کو ہنی ٹریپ کرنے والے گروہ کے مرکزی ملزمان کے بارے میں اہم انکشاف ہوگیا۔

ملزمان عادی مجرم اور سابقہ ریکارڈ یافتہ نکلے۔ ملزم حسن شاہ کے خلاف ننکانہ صاحب میں اغواء ، تشدد اور بجلی چوری کے دو مقدمات درج ہیں۔

پولیس ریکارڈ کے مطابق ماسٹر مائنڈ حسن شاہ کا ساتھی رفیق عرف فیکو قتل سمیت سنگین جرائم میں ملوث رہا۔ رفیق عرف فیکو کے خلاف قتل ، اقدام قتل ، تشدد کے چھ مقدمات شیخوپورہ میں درج ہیں۔

یہ بھی پڑھیں: خلیل الرحمٰن قمر کو ہنی ٹریپ کرنے والا ماسٹر مائنڈ گرفتار

ملزم رفیق لاہور میں بھی قتل کے مقدمے کا اشتہاری ہے اور مرکزی ملزم حسن شاہ کے شوٹر کے طور پر آپریٹ کرتا ہے۔

پولیس کا کہنا ہے کہ ملزم حسن شاہ منشیات کا عادی ہے اور افیون سمیت پکڑا گیا ہے۔

واضح رہے کہ خلیل الرحمٰن قمر کو ہنی ٹریپ کرنے والے گینگ کے ماسٹر مائنڈ حسن شاہ کو ساتھی رفیق سمیت پشاور سے گرفتار کیا گیا ہے۔