بوڑھے والد پر تشدد کرکے گھر سے نکالنے والا ناخلف بیٹا گرفتار

ملزم کے خلاف تحفظ والدین کی دفعہ 3/5 کے تحت مقدمہ 254 سال 2024 جیکسن تھانے میں درج کیا گیا تھا، ترجمان پولیس

Munawar Khan July 31, 2024

ملزم محبوب علی شاہ پولیس کی حراست میں ( فوٹو: ایکسپریس نیوز)

جیکسن انویسٹی گیشن پولیس نے بزرگ والد پر تشدد کرنے اور انھیں گھر سے نکالنے والے ناخلف بیٹے کو گرفتار کرلیا۔

ترجمان ایس ایس پی انوسٹی گیشن ڈسٹرکٹ کیماڑی کے مطابق گرفتار ملزم کی شناخت محبوب علی شاہ کے نام سے کی گئی جس نے اپنے بزرگ والد 80 سالہ حضرت شاہ سے ناصرف گالم گلوچ کی بلکہ مارپیٹ کر کے انھیں گھر سے نکال دیا تھا۔

ترجمان کے مطابق ملزم کے خلاف تحفظ والدین کی دفعہ 3/5 کے تحت مقدمہ 254 سال 2024 جیکسن تھانے میں درج کیا گیا تھا۔