پیرس اولمپکس شوٹنگ کے آلات استعمال کیے بغیر چاندی کا تمغہ جیت لیا

51 سالہ شوٹر یوسف ڈیکیک نے نئی تاریخ رقم کی (فوٹو: فائل)

---

پیرس اولمپکس کے دوران ترک شوٹر یوسف ڈیکیک نے 10 میٹر ایئر پسٹل مکسڈ ٹیم ایونٹ میں چاندی کا تمغہ حاصل کرکے نئی تاریخ رقم کردی۔

ترک شوٹر اس لیے خبروں کی زینت بنے ہوئے ہیں کیونکہ انکے پاس شوٹنگ گیئر کے مناسب آلات ہی موجود نہیں تھے تاہم اپنی قابلیت کی بدولت انہوں نے اولمپکس میں چاندی کا تمغہ اپنے نام کیا۔

اولمپک میڈیا نے دعویٰ کیا کہ یوسف ڈیکیک نے سال 2008 کے بیجنگ اولمپکس میں اپنا ڈیبیو کیا تھا۔

مزید پڑھیں: پیرس اولمپکس میں میڈل ٹیبل پر چین سرفہرست

شوٹر مقابلوں کے دوران شور سے بچنے کیلئے کانوں پر ہیڈفون لگاتے ہیں اور مخصوص گلاسز کا استعمال کرتے ہیں لیکن ترک شوٹر نے ایسا کچھ نہ کیا بلکہ شور شرابے کے دوران حیران کن نشانے بازی کا مظاہرہ کیا۔

مزید پڑھیں: 7 ماہ کی حاملہ مصری ایتھلیٹ بھی پیرس اولمپکس میں شریک

اس سے قبل بھی 51 سالہ ترک شوٹر یورپی چیمپئن شپ اور گیمز میں اپنے صلاحیتوں کا مظاہرہ کرتے ہوئے گولڈ میڈل حاصل کرچکے ہیں۔