دانیہ شاہ کو دوسرے شوہر سے کتنا حق مہر ملا تفصیلات سامنے آگئیں

دانیہ شاہ اور حکیم شہزاد کے ولیمے کی ویڈیو وائرل ہوگئی : فوٹو : سوشل میڈیا

---

پاکستان کے معروف ٹی وی میزبان مرحوم ڈاکٹر عامر لیاقت حسین کی بیوہ دانیہ شاہ کی دوسری شادی کی ویڈیو سوشل میڈیا پر وائرل ہوگئی۔

چند روز قبل دانیہ شاہ نے اپنے ویڈیو بیان کے ذریعے حکیم شہزاد نامی اپنے وکیل سے دوسری شادی کی تصدیق کی تھی۔

یہ خبر سامنے آنے کے بعد دانیہ شاہ اور اُن کے شوہر حکیم شہزاد نے اپنے ولیمے کی باقاعدہ تقریب کا انعقاد کیا جس میں اُن کے اہلخانہ، رشتہ داروں اور دوست احباب نے شرکت کی۔

ولیمے کی تقریب کی چند ویڈیوز بھی سوشل میڈیا پر گردش کررہی ہیں جن میں دلہن بنی دانیہ شاہ اپنے شوہر کے ہمراہ اسٹیج پر بیٹھی ہیں جبکہ اُن کے ساتھ دانیہ کی والدہ بھی موجود ہیں۔

View this post on Instagram

A post shared by Naseeb Ul Rehman (@ayan_shahzad_l)

اس نئی نویلی جوڑی نے اپنے ولیمے کی تقریب میں متعدد خبررساں اداروں کو انٹرویوز بھی دیے، دوران انٹرویو دانیہ شاہ نے بتایا کہ اُن کی والدہ نے حق مہر کے حوالے سے کوئی ڈیمانڈ نہیں رکھی تھی، تاہم اُن کے دوسرے شوہر حکیم شہزاد نے اپنی مرضی سے حق مہر میں مہنگی گاڑی، 5 لاکھ روپے اور گھر لکھوایا ہے۔

دانیہ شاہ نے انٹرویو کے دوران اپنے سابق شوہر عامر لیاقت حسین سے متعلق پوچھے گئے سوالات پر جواب دینے سے گریز کرتے ہوئے کہا کہ وہ اس حوالے سے کوئی بات نہیں کرنا چاہتیں۔

دوسری جانب حکیم شہراد نے کہا کہ میں نے دانیہ شاہ کو حق مہر میں اپنا دل سمیت ساری جائیداد دے دی ہے، سب کچھ دانیہ کا ہے، یہ جو مانگیں گی، میں انہیں دینے کے لیے تیار ہوں۔

مزید پڑھیں: یہ میری چوتھی شادی ہے، دانیہ شاہ کے دوسرے شوہر کا بیان آگیا

حکیم شہزاد نے کہا کہ میں نے دانیہ شاہ کو 60 لاکھ روپے مالیت کی گاڑی، ایک گھر اور سونے کے زیورات کے چار سیٹ بھی دیے ہیں۔

اُنہوں نے کہا کہ میں تو دانیہ شاہ سے دوستی کرنا چاہتا تھا اور میں نے اس دوستی کے لیے ہر ممکن کوشش بھی کی لیکن دانیہ مجھ سے دوستی کرنے کے لیے تیار ہی نہیں تھیں۔

حکیم شہزاد نے مزید کہا کہ میں نے دانیہ شاہ سے دوستی کے لیے اُن کی والدہ سے بھی درخواست کی جس کے بعد دانیہ نے دوستی کے بجائے نکاح کی خواہش کا اظہار کیا۔

واضح رہے کہ حکیم شہزاد کے مطابق اُنہوں نے دانیہ شاہ سے پہلی نہیں بلکہ چوتھی شادی کی ہے۔