باپ نے غیرت کے نام پر بیٹی کو ہتھوڑا مار کر قتل کردیا

ملزم کو آلہ قتل سمیت گرفتار کرلیا گیا:فوٹو:ایکسپریس نیوز

---

لاہور میں باپ نے غیرت کے نام پر بیٹی کو ہتھوڑا مار کر قتل کردیا۔

پولیس کے مطابق لاہور کی رائیونڈ مشن کالونی کے رہائشی نکسن مسیح نے اپنی بیٹی کو غیرت کے نام پر ہتھوڑے مار کر قتل کردیا۔ قتل ہونے والی خاتون کی شناخت عروج ولد نکسن مسیح کے نام سے ہوئی۔

پولیس نے ملزم کو آلہ قتل سمیت گرفتار کرلیا۔ اے ایس پی رائیونڈ اور ایس ایچ او رائیونڈ پولیس کی بھاری نفری کے ساتھ موقع پر پہنچ گئے۔ واقعے کی مزید تحقیقات جاری ہیں۔