بھارت میں گائے کا ریپ کرنے کے الزام میں نوجوان گرفتار

پولیس نے نوجوان کے خلاف مقدمہ درج کرلیا—فوٹو: رائٹرز

---

بھارتی ریاست مدھیا پردیش کے دارالحکومت بھوپال میں گائے سے بدفعلی کے الزام میں نوجوان کو گرفتار کرلیا گیا۔

میڈیا رپورٹس کے مطابق بھوپال میں یہ واقعہ ہفتے کو پیش آیا اور مقامی شہریون نے اس کی ویڈیو بھی بنائی تھی اور مشتبہ نوجوان کو گرفتار کیا گیا، جس کی شناخت چھٹو مالویا کے نام سے ہوئی ہے۔

سوشل میڈیا پر نوجوان کی ویڈیو بھی سامنے آگئی جس میں میں مبینہ طور پر نوجوان کو گائے کے ساتھ غیرفطری طور پر عمل کرتے ہوئے دیکھا گیا۔

شہریوں نے فوری ردعمل دیتے ہوئے مشتبہ نوجوان چھٹو مالویا کو پولیس کے حوالے کردیا اور پولیس نے چھولا تھانے میں مقدمہ درج کرلیا۔

بھوپال میں واقعے کی اطلاع پر ہر طرف سے مذمت کی گئی اور غصے کا اظہار کیا گیا اور شہریوں نے جانوروں سے ناروا سلوک کرنے والے ملزمان کے خلاف سخت کارروائی کرنے کا مطالبہ کیا۔

خیال رہے کہ بھارت میں گائے کو مقدس مانا جاتا ہے اور ہندو مذہب کے ماننے والے گاؤ ماتا سے تعبیر کرتے ہیں۔

بھوپال میں اس سے قبل بھی جانوروں کے ساتھ بدسلوکی کے واقعات پیش آچکے ہیں، چند ماہ قبل ایک ویڈیو سامنے آئی تھی، جس میں ایک نوجوان کو تالاب میں کتے کو پھینکتے ہوئے دیکھا جاسکتا تھا۔

گائے سے بدسلوکی کے واقعے کا مقدمہ درج ہونے کے بعد ملزم چھٹو مالویا کے خلاف مبیہ جرم کے تحت قانون کارروائی کی جائے گی۔