جماعت اسلامی کا کراچی اور پنڈی کے بعد پشاور میں بھی دھرنے کا اعلان

دھرنے میں امیر جماعت اسلامی پاکستان حافظ نعیم الرحمن شرکت کریں گے

---

جماعت اسلامی نے بھاری ٹیکسز اور مہنگی بجلی کے خلاف جماعت اسلامی پشاور میں بھی دھرنے کا اعلان کردیا۔

شعبہ نشرواشاعت کے مطابق سیکرٹری جنرل جماعت اسلامی خیبرپختونخوا عبد الواسع نے جاری پریس ریلیز میں بتایا کہ حافظ نعیم الرحمن نے پشاور میں 12 اگست کو دھرنے کا اعلان کیا ہے، دھرنے میں امیر جماعت اسلامی پاکستان حافظ نعیم الرحمن خود شرکت کریں گے۔

سیکرٹری جنرل جماعت اسلامی خیبرپختونخوا عبد الواسع کا کہنا تھا کہ اہلیان پشاور سے اپیل کرتا ہوں کہ بڑی تعداد میں حافظ نعیم الرحمن کا استقبال کریں۔