اسٹریٹ کرمنلز نے شہر یوں کی زندگی اجیرن بنا دی گورنر سندھ کامران ٹیسوری

 

گورنر سندھ کامران ٹیسوری نے گورنر ہاوس میں ایڈیشنل آئی جی کراچی جاوید عالم اوڈھو سے ملاقات میں کہا ہے کہ شہر قائد میں اسٹریٹ کرمنلز نے اس شہر کے مکینوں کی زندگی اجیرن بنا دی ہے۔

انہوں نے مزید کہا کہ سی سی ٹی وی کیمروں اور انٹیلی جنس روابط کو مزید مستحکم کرنے سے جرائم میں ملوث عناصر کی گرفت ممکن ہے۔


ملاقات میں گورنر کامران ٹیسوری نے ایڈیشنل ڈی آئی جی کراچی کو ہدایات جاری کرتے ہوئے کہا کہ شہر بھر میں پولیس گشت، ناکہ بندی اور اسنیپ چیکنگ بڑھائی جائے۔

ملاقات میں امن و امان کے قیام، اسٹریٹ کرائمز کے خاتمہ اور پولیس کی استعداد بڑھانے سمیت دیگر امور پر بھی گفتگو ہوئی۔

اس موقع پر گفتگو میں ایڈیشنل آئی جی نے کہا کہ شہر سے جرائم بالخصوص اسٹریٹ کرائمز کے خاتمہ کے لئے پولیس متحرک کردار ادا کر رہی ہے۔