قومی ویمنز فٹبال کلب چیمپئن شپ لیگیسی اور ہزارہ کی سیمی فائنل میں رسائی
سیمی فائنل میں کراچی یونائیٹڈ کا لیگیسی ڈبلیو ایف اور کراچی سٹی ایف سی کا ہزارہ کوئٹہ ڈبلیو ایف سی سے مقابلہ ہوگا
قومی ویمنز فٹبال کلب چیمپئن شپ میں لیگیسی ایف سی نے ٹی ڈبلیو کے کو 3 گول سے شکست دے کر سیمی فائنل میں جگہ بنا لی۔ایمن، کائنات اور علینا نے ایک ایک گول کیا۔
آخری گروپ میچ میں ہزارہ کوئٹہ ایف سی نے ہائی لینڈرز ایف سی کو 1-2 سے مات دی۔ ہزارہ کی جانب سے فرشتہ اور صادقہ گول اسکورر رہیں جبکہ سوسان نے خسارہ کم کیا۔
جمعرات کو سیمی فائنل میں کراچی یونائیٹڈ کا لیگیسی ڈبلیو ایف اور کراچی سٹی ایف سی کا مقابلہ ہزارہ کوئٹہ ڈبلیو ایف سی سے ہوگا۔