بالی وڈ کلاسک ’ساجن‘ جیسی رومانوی فلم دوبارہ کرنا چاہتا ہوں سنجے دت
فلم ’ساجن‘ میں اداکار نے ایک شاعر کا کردار ادا کیا جبکہ اس میں مادھوری ڈکشٹ اور سلمان خان بھی شامل تھے
بالی وڈ کے ایکشن اسٹار سنجے دت نے کہا ہے کہ وہ بالی وڈ کلاسک 'ساجن' جسی رومانوی فلم دوبارہ کرنا چاہتے ہیں۔
بھارتی میڈیا کے مطابق اپنی نئی فلم 'ڈبل اسمارٹ' کے ایونٹ میں گفتگو کرتے ہوئے اداکار کا کہنا تھا وہ رومانوی فلموں میں کام کرنے کیلئے تیار ہیں۔
اس موقع پر سنجے دت نے کہا کہ اگر اچھا اسکرپٹ ہو تو وہ رومانوی فلمیں کرنے کےلیے اب بھی ہاں کہیں گے۔
اداکار کا کہنا تھا کہ ان کی جنریشن نے عوام کےلیے کام کیا ہے اس لئے وہ عوامی ہیروز ہیں۔
یہ بھی پڑھیں : سنجے دت کا سالگرہ کے موقع پر خود کو لگژری گاڑی کا تحفہ
یاد رہے کہ سنجے دت نے ہدایت کار لارنس ڈیسوزا کی فلم 'ساجن' میں ایک حساس شاعر کا کردار ادا کیا تھا جبکہ مادھوری ڈکشٹ اور سلمان خان بھی فلم کا حصہ تھے۔