دی ہنڈرڈ مانچسٹر اوریجنلز نے لندن اسپرٹ کو 12 رنز سے شکست دے دی
لندن اسپرٹ کی ٹیم 136 کے تعاقب میں مقررہ 100 گیندوں میں 5 وکٹوں کے نقصان پر 123 رنز بنا سکی
دی ہنڈرڈ ٹورنامنٹ میں مانچسٹر اوریجنلز نے لندن اسپرٹ کو 12 رنز سے شکست دے دی۔
لارڈز میں کھیلے گئے ایونٹ کے 23 ویں میچ میں لندن اسپرٹ کی ٹیم 136 کے تعاقب میں مقررہ 100 گیندوں میں 5 وکٹوں کے نقصان پر 123 رنز بنا سکی۔
لندن اسپرٹ کی جانب سے کیٹن جیننگز 61 رنز ناٹ آؤٹ بنا کر نمایاں رہے۔شمرون ہیٹمائر 44، مائیکل پیپر 9، آندرے رسل 1 جبکہ اولی پوپ اور کپتان ڈین لارنس 0، 0 رن بنا کر آؤٹ ہوئے۔
میٹ کریچلے 2 رنز بنا کر ناٹ آؤٹ رہے۔
مانچسٹر اوریجنلز کی جانب سے فضل حق فاروقی نے 3 جبکہ اسکاٹ کیوری نے 1 وکٹ حاصل کی۔
اس سے قبل اسپرٹ کی دعوت پر پہلے بیٹنگ کرتے ہوئے اوریجنلز نے مقررہ 100 گیندوں میں 5 وکٹوں کے نقصان پر 135 رنز بنائے۔
اوریجنلز کی جانب سے کپتان فل سالٹ 58 رنز بنا کر نمایاں رہے۔ میکس ہولڈن 35، میتھیو ہرسٹ 2، جیمی اورٹن 1 اور سکندر رضا 0 رن بنا کر آؤٹ ہوئے۔
وین میڈسن 17 اور پال والٹر 15 رنز بنا کر ناٹ آؤٹ پویلین لوٹے۔
اسپرٹ کی جانب سے رچرڈ گلیسن اور اولی اسٹون نے 2، 2 کھلاڑیوں کو آؤٹ کیا۔