اسکول اور کالج کے زمانے میں بڑی جاسوس رہ چکی ہوں ودیا بالن

جاسوسی سے دوستوں کی مدد کیا کرتی تھی’’بوبی جاسوس ‘‘ کی تشہیری مہم میں گفتگو۔ فوٹو: فائل

---

KARACHI: بالی وڈ اداکارہ ودیا بالن نے کہا ہے کہ وہ اسکول اور کالج کے زمانے میں بہت بڑی جاسوس رہ چکی ہیں۔

بھارتی میڈیا کے مطابق اس بات کا انکشاف انھوں نے گُڑ گاؤں میں اپنی نئی فلم ''بوبی جاسوس'' کی تشہیر کے موقع پر کہی۔ اداکارہ کا کہنا ہے کہ وہ اسکول اورکالج میں جاسوسی کے ذریعہ دوستوں کی مدد کیا کرتی تھیں ۔

اگرا ن کی کوئی دوست کسی کو پسند کرتی ہو اور وہ اس کے بارے میں معلومات جاننا چاہتی ہوں تو وہ یہ معلومات دوستوں کے لیے اکٹھے کرکے لایا کرتی تھیں۔ بوبی جاسوس جس میں اداکارہ ودیا بالن کے ہیرو علی افضل ہونگے، کی پروڈکشن کے فرائض اداکارہ دیا مرزا اور ساحل سنگھا سرانجام دے رہے ہیں۔ فلم جلد ہی سینما گھروں میں نمائش کے لیے پیش کی جائے گی۔