کراچی میں بجلی کے ٹوٹے تار سے کرنٹ لگنے سے محنت کش جاں بحق

متوفی کا پاؤں اچانک پانی میں پڑا تو اسے کرنٹ لگ گیا

---

کورنگی ویٹا چورنگی کے قریب کرنٹ لگنے سے محنت کش جاں بحق ہوگیا۔

تفصیلات کے مطابق کورنگی ویٹا چورنگی اشرفی کمپنی کے قریب کرنٹ لگنےسےایک شخص جاں بحق ہوگیاجس کی لاش چھیپا ایمبولینس کے ذریعے جناح اسپتال منتقل کی گئی۔

متوفی کی شناخت 40 سالہ جاوید ولد رسول خان کے نام سے کی گئی ۔ متوفی نوجوان کورنگی صنعتی ایریا میں واقع نجی کمپنی میں رہائش پذیر تھا اوراس کا آبائی تعلق مانسہرہ سے تھا۔

متوفی نوجوان اپنے کزن کے ہمراہ کمپنی سے باہرنکلا توکچھ فاصلے پر بجلی کا تار ٹوٹ کر زمین پر پانی میں پڑا ہوا تھا۔ متوفی کا پاؤں اچانک پانی میں پڑا تو اسے کرنٹ لگ گیا اوروہ موقع پرجاں بحق ہوگیا جبکہ اس کا کزن خوشی قسمتی سے محفوظ رہا۔