بیوی کو زہر دے کر قتل کرنے کی کوشش کرنے والا شوہر گرفتار

(فائل فوٹو)

---

ڈیرہ غازی خان میں پولیس نے بیوی کو زہر دے کر قتل کرنے کی کوشش کرنے والے شوہر کو گرفتار کر لیا۔

ورچوئل ویمن پولیس اسٹیشن میں خواتین کو زہر دینے کی کال موصول ہوئی۔ خاتون کے مطابق شوہر نے دھوکے سے اسے زہر پلا دیا ہے جس پر ورچوئل ویمن پولیس اسٹیشن نے فوری طور پر ریسکیو اور پولیس کو موقع پر روانہ کیا۔

پولیس اور ریسکیو نے خاتون کو بروقت اسپتال منتقل کیا اور فوری طبی امداد کی فراہمی پر خاتون کو بچا لیا گیا۔

ترجمان سیف سٹیز کے مطابق ڈی جی خان پولیس نے شوہر کو گرفتار کرتے ہوئے قانونی کارروائی کا آغاز کر دیا ہے، خاتون نے بروقت کارروائی کرنے پر سیف سٹی ورچوئل ویمن پولیس اسٹیشن اور پولیس کا شکریہ ادا کیا۔

ترجمان کا کہنا تھا کہ خواتین کسی بھی شکایت کی صورت میں ورچوئل ویمن پولیس اسٹیشن سے رابطہ کر سکتیں ہیں۔