کراچی درجن سے زائد وارداتیں کرنے والے ڈکیت گینگ کا سرغنہ گرفتار
ملزم کے دیگر 2ساتھی ذیشان حیدر اور راشد فرار ہوگئے، پولیس
کلفٹن پولیس نے درجن سے زائد وارداتیں کرنے والے ڈکیت گینگ کے سرغنہ کو گرفتار کرکے اس کے قبضے سے لوٹا گیا سامان برآمد کرلیا۔
تفصیلات کے مطابق کلفٹن پولیس نے ٹیکنیکل بنیاد پر کارروائی کرتے ہوئے ایک درجن سے زائد وارداتیں کرنے والے ڈکیت گینگ کے سرغنہ عبدالطیف کو گرفتار کرلیا جبکہ ملزم کے دیگر 2ساتھی ذیشان حیدر اور راشد فرار ہوگئے۔
گرفتار ملزم عبدالطیف اپنے دیگر ساتھیوں کے ہمراہ ڈیفنس، کلفٹن، درخشاں، ساحل اور گزری کے علاقوں میں وارداتیں کرتا تھا۔ ملزم کے قبضے سے بنگلوں میں ڈکیتی کی وارداتوں کے دوران لوٹا گیا سامان برآمد کر لیا جس میں طلائی زیوارات و دیگر سامان شامل ہے۔
پولیس کے مطابق فرار ملزمان کے خلاف چھاپہ مارکارروائیاں جاری ہیں، جلد مفرور ملزمان کو بھی گرفتار کر لیا جائے گا۔