حکومت کا قومی بچت اسکیموں پرشرح منافع میں کمی کا اعلان

فوٹو فائل

---

وفاقی حکومت نے قومی بچت اسکیموں پرشرح منافع میں ڈیڑھ فیصد کمی کا اعلان کردیا۔

محکمہ قومی بچت حکام کے مطابق تین مختلف اسکیموں پر منافع کے نئے ریٹ جاری کردیے گئے ہیں جن کے مطابق سیونگ اکاؤنٹس پرشرح منافع ڈیڑھ فیصد کم کرکے 19فیصد مقرر کردی گئی ہے۔

اسی طرح شارٹ ٹرم سیونگ سرٹیفکیٹ پرشرح 1.34 فیصد کم کرکے 17.90 فیصد کرنے کا اعلان کیا گیا، سروا اسلامک سیونگ اکاؤنٹس پرشرح منافع ڈیڑھ فیصد کمی سے19 فیصد مقررکی گئی ہے۔

قومی بچت کی دیگرتمام اسکیموں پر شرح منافع برقرار رکھی گئی ہے۔