بھارت بیوی کو بائیک کے پیچھے باندھ کر گھسیٹنے کا واقعہ شوہر گرفتار

پولیس نے ملزم کو حراست میں لے کر انسانی اسمگلنگ کے تحت مقدمہ درج کرلیا

ویب ڈیسک August 13, 2024

پولیس نے ملزم کو حراست میں لے کر انسانی اسمگلنگ کے تحت مقدمہ درج کرلیا

بھارت میں وائرل ہونے والی ایک ویڈیو میں شوہر کے اپنی بیوی پر بہیمانہ تشدد نے دل دہلا کر رکھ دیے۔

بھارتی میڈیا کے مطابق یہ واقعہ ریاست راجستھان کے ضلع ناگور میں پیش آیا۔ جہاں ایک سنسان اور پتھریلی سڑک پر موٹر سائیکل سوار شخص کو پیچھے ایک خاتون کو باندھے، بیدردی سے گھسیٹتے ہوئے دیکھا گیا۔

اس اذیت ناک لمحوں کو کسی راہ گیر نے اپنے موبائل سے فلم بند کرکے وائرل کردیا اور ٹی وی چینلز پر خبر بھی چل گئی لیکن بے خبر پولیس غفلت کی نیند سوئی رہی۔

سوشل میڈیا پر صارفین کا دباؤ کا بڑھا تو مودی سرکار بھی ہوش میں آئی اور پولیس نے تحقیقات کا آغاز کردیا اور ملزم کو گرفتار کرنے میں کامیاب ہوگئی۔

پولیس نے متاثرہ خاتون سے بات چیت کی اور ملزم کے خلاف انسانی اسمگلنگ میں ملوث ہونے کی تحقیقات کا آغاز کردیا تاہم پولیس نے شناخت ظاہر نہیں کی اور نہ ہی میڈیا کو تفتیش سے آگاہ کیا ہے۔