دی ہنڈرڈ نادرن سپر چارجرز نے لندن اسپرٹ کو شکست دے دی

(فوٹو: فائل)

---

دی ہنڈرڈ ٹورنامنٹ میں نادرن سپر چارجز نے لندن اسپرٹ کو ڈک ورتھ لوئس میتھڈ کے تحت شکست دے دی۔

لیڈز میں کھیلے گئے ایونٹ کے 29 ویں میچ میں سپر چارجرز کی ٹیم 112 رنز کے تعاقب میں 44 گیندوں پر 1 وکٹ کے نقصان پر 64 رنز تک ہی پہنچی تھی جب بارش کے سبب کھیل روکنا پڑا اور بعد ازاں ڈک ورتھ لوئس کے تحت سپرچارجرز کو 21 رنز سے فاتح قرار دیا گیا۔

سپر چارجرز کی جانب سے گراہم کلارک 26 رنز بناکر نمایاں رہے۔ میتھیو شارٹ 25 اور اولی رابنسن 13 رنز بنا کر ناٹ آؤٹ پویلین لوٹے۔

اسپرٹ کی جانب سے میٹ کریچلے نے 1 وکٹ حاصل کی۔

اس سے قبل نادرن سپرچارجرز کی دعوت پر پہلے بیٹنگ کرتے ہوئے لندن اسپرٹ نے مقررہ 100 گیندوں میں 8 وکٹوں کے نقصان پر 111 رنز اسکور کیے۔

اسپرٹ کی جانب سے روی بوپارہ 31 رنز بنا کر نمایاں رہے جبکہ لیام ڈاسن 27 رنز بنا کر ناٹ آؤٹ پویلین لوٹے۔ کیٹن جیننگز 30، شمرون ہیٹمائر 5، میٹ کرچلے 3، مائیکل پیپر 3، اندرے رسل 3، کپتان ڈین لارنس 2 اور اولی اسٹون 0 رن بناکر آؤٹ ہوئے۔

سپرچارجرز کی جانب سے عادل راشد نے 3 جبکہ میتھیو پوٹس اور ریس ٹوپلے نے 2، 2 وکٹیں حاصل کیں۔