فنکاروں کی جانب سے جشن آزادی کے موقع پر مبارکباد کے پیغامات

آج اس آزادی اور نعمتوں پر شکر ادا کرنے کا وقت ہے جن سے ہم آج لطف اندوز ہو رہے ہیں، عدنان صدیقی

ویب ڈیسک August 14, 2024

آج اس آزادی اور نعمتوں پر شکر ادا کرنے کا وقت ہے جن سے ہم آج لطف اندوز ہو رہے ہیں، عدنان صدیقی

پاکستان کا 78 واں جشن آزادی ملک بھر میں جوش و جذبے کے ساتھ منایا جارہا ہے۔

عام لوگوں کے ساتھ شوبز سے تعلق رکھنے والے ستارے بھی پاکستان کا یوم آزادی نہایت پرجوش طریقے سے منارہے ہیں۔

فنکاروں نے سوشل میڈیا پر پاکستان سے بھرپور محبت کا اظہار کرتے ہوئے خصوصی طور پر پوری قوم اور اپنے چاہنے والوں کو جشن آزادی کی مبارک باد دی ہے۔

اداکار عدنان صدیقی نے سماجی رابطے کی ویب سائٹ انسٹا گرام پر تمام لوگوں کو یوم آزادی کی مبارکباد دیتے ہوئے لکھا کہ آج اس آزادی اور نعمتوں پر دل کی گہرائیوں سے شکر ادا کرنے کا وقت ہے جن سے ہم آج لطف اندوز ہو رہے ہیں۔ یہ ان لوگوں کی عزم و حوصلے کو یاد کرنے کا لمحہ ہے جنہوں نے اس آزادی کو ممکن بنایا اور اس بات پر غور کرنا ہوگا کہ ہم ان اقدار کو کیسے اپنی زندگیوں میں اپناتے ہیں۔ سب کو یوم آزادی بہت بہت مبارک ہو! پاکستان زندہ باد!