آئی سی سی رینکنگ بابراعظم کی بادشاہی برقرار شاہین کی بھی ترقی

روہت شرما نے اپنے ہی ہم وطن شبمن گل کو نیچے دھکیل دیا

ویب ڈیسک August 14, 2024

روہت شرما نے اپنے ہی ہم وطن شبمن گل کو نیچے دھکیل دیا (فوٹو: ایکسپریس ویب)

انٹرنیشنل کرکٹ کونسل (آئی سی سی) نے پلئیرز کی نئی رینکنگ جاری کردی۔

آئی سی سی کی جانب سے تازہ ترین رینکنگ کے مطابق ون ڈے فارمیٹ میں بیٹرز کی رینکنگ میں بھارت کے روہت شرما نے اپنے ہم وطن شبمن گل کو ایک درجہ نیچے دھکیل دیا۔

ون ڈے بیٹرز کی رینکنگ میں بابراعظم کی بادشاہی تاحال برقرار ہے، وہ 824 رینٹنگ پوائنٹس کیساتھ پہلی پوزیشن پر قابض ہیں جبکہ بھارت کے کپتان روہت شرما ایک درجہ ترقی پاکر 765 پوائنٹس کیساتھ دوسری پوزیشن پر آگئے ہیں۔

مزید پڑھیں: پاکستان بمقابلہ بنگلادیش؛ دوسرا ٹیسٹ میچ تماشائیوں کے بغیر ہوگا، مگر کیوں؟

بھارت کے ہی شبمن گل 763، ویرات کوہلی 746 پوائنٹس کیساتھ تیسری اور چوتھی پوزیشن پر قابض ہیں۔

مزید پڑھیں: شاہین کی ورک لوڈ مینجمنٹ؛ سعود شکیل سوال حذف کرگئے

بالرز کی رینکنگ میں جنوبی افریقا کے کیشو مہاراج کی پہلی پوزیشن برقرار ہے جبکہ شاہین آفریدی 2 درجے ترقی پاکر 9ویں سے 7ویں پوزیشن پر آگئے ہیں۔

اسی طرح ون ڈے آل راؤنڈرز کی رینکنگ میں افغانستان کے محمد نبی پہلی پوزیشن پر براجمان ہیں۔