پاک فوج کے تعاون سے نوجوانوں کا برزل پاس پر پرچم لہرا کر ریکارڈ قائم
نوجوانوں نے 13ہزار 808 فٹ اونچے برزل پاس پر سب سے بڑا پرچم لہرا کر ریکارڈ قائم کیا
پاک فوج کے تعاون سے پنجاب کے 6 نوجوانوں نے برزل پاس پر سب سے اونچا پرچم لہرا کر ریکارڈ قائم کر دیا۔
نوجوانوں نے 13ہزار 808 فٹ اونچے برزل پاس پر سب سے بڑا پرچم لہرا کر ریکارڈ قائم کیا، 200 فٹ لمبا یہ پرچم پاکستان کے آخری گاؤں نگئی میں آزادی ریلی میں بھی شامل کیا گیا۔
نگئی گاؤں اور ایل او سی کے قریب پرائمری اسکول میں بھی جشن آزادی کی تقریب منعقد کی گئی، گاؤں کے لوگوں اور پاک فوج کے جوانوں نے والی بال اور رسہ کشی کا مقابلہ بھی کیا۔
آخر میں سب سے بڑا قومی پرچم مشہور سیاحتی مقام رینبو لیک پر لہرایا گیا، پرچم لہرانے والے ان جوانوں نے اپنا یہ ریکارڈ آزادی کے ہیروز اور پاک فوج کے شہدا اور غازیوں کے نام کر دیا۔