گلوکارہ آئمہ بیگ ’منی ہارٹ اٹیک‘ کا شکار ہوگئیں

فوٹو انسٹاگرام آئمہ بیگ

---

پاکستانی گلوکارہ آئمہ بیگ نے تصدیق کی ہے کہ انہیں ہارٹ اٹیک ہوا ہے۔

سماجی رابطے کی سائٹ انسٹاگرام پر گلوکارہ آئمہ بیگ نے بتایا کہ دل میں تکلیف کے باعث وہ اسپتال آئیں تو ڈاکٹرز نے کم نوعیت کے ہارٹ اٹیک کا انکشاف کیا۔

انہوں نے اسپتال کے بستر پر لیٹی ہوئی اپنی تصویر شیئر کی جس میں اُن کے جسم پر ای سی جی کے پوائنٹس لگے ہوئے تھے۔

اداکارہ نے بتایا کہ منی ہارٹ اٹیک کی وجہ ذہنی تناؤ، نیند کی کمی اور بے سکونی ہے، بہت زیادہ سفر، رات کو نیند نہ آنے اور مسلسل تھکن بھی بیماری کی اہم وجوہات میں شامل ہے۔

View this post on Instagram

A post shared by ShowbizShowsha (@showbizshowsha)

آئمہ بیگ نے لکھا کہ منی ہارٹ اٹیک کے بعد اس بات کا احساس ہوا کہ اپنی صحت پہلی ترجیح ہونی چاہیے۔


اداکارہ نے اپنے مداحوں کو یہ نہیں بتایا کہ انہیں عارضہ قلب کب ہوا تاہم انہوں نے اس بات کا تذکرہ ضرور کیا ہے کہ اب وہ اپنی صحت پر توجہ دے رہی ہیں، سفر کے بجائے مکمل آرام اور بہت زیادہ احتیاط بھی کررہی ہیں۔

آئمہ بیگ کی پوسٹ پر کچھ صارفین نے اُن کا مذاق اڑایا اور سوال کیا کہ کیا ہارٹ اٹیک بھی 'منی، پرومیکس' ہوتے ہیں جبکہ متعدد نے اُن کی جلد صحت یابی کی دعا کی۔