اسپین کے فٹبالر لامین یمل کے والد پر چاقو سے حملہ

اسپین کے معروف فٹ بالر لامین یمل کے والد پر گزشتہ رات نامعلوم افراد نے چاقو سے حملہ کیا جس سے وہ زخمی ہو گئے۔

غیر ملکی خبر رساں ادارے کا کہنا ہے کہ بارسلونا اور اسپین کے اسٹار ونگر لامین یمل کے والد منیر نصراوی کو بدھ کی رات شمال مشرقی ہسپانوی شہر ماترو کی پارکنگ میں چاقو سے حملہ کیا گیا۔

مقامی میڈیا کی رپورٹ کے مطابق، نصراوی کو قریبی شہر بادالونا کے کین روٹی اسپتال لے جایا گیا انہیں چاقو کے گہرے زخم لگے تھے۔

مزید پڑھیں: علحیدگی کی صورت میں دولت کیسے بچاؤں! رونالڈو کا قانونی قدم


مزید کہا گیا ہے کہ مقامی اور علاقائی پولیس نے واقعے کے متعدد عینی شاہدین کو تلاش کرنا شروع کر دیا ۔

تاہم بعد میں کھیلوں کی ویب سائٹ ریلوو کی ایک رپورٹ میں سرکاری ذرائع کا حوالہ دیتے ہوئے کہا گیا کہ نصراوی کو اسپتال سے فارغ کر دیا گیا ہے اور وہ اپنے گھر واپس آ گئے ہیں۔

مزید پڑھیں: بنگلادیش میں مظاہرے؛ پولیس کی گولی سے قومی ٹیم کے فٹبالر زخمی

بارسلونا کے ایک محنت کش طبقے اور کثیر نسلی مضافاتی علاقے ماترو میں پرورش پانے والے فٹ بال کے ایک حیرت انگیز کھلاڑی یمل جرمنی میں منعقد ہونے والے یورو 2024 کے بریک آؤٹ اسٹار بنے تھے۔

اسپین نے یورو 2024 میں 9 جولائی کو سیمی فائنل میں یمل کے گول کی بدولت فرانس کو شکست دے کر فائنل میں بھی کامیابی حاصل کی تھی۔