بھارت نے 2036 کی اولمپکس کی میزبانی کا خواب سجالیا

وزیراعظم نریندر مودی کا آزادی تقریب سے خطاب

ویب ڈیسک August 15, 2024

وزیراعظم نریندر مودی کا آزادی تقریب سے خطاب (فوٹو: فائل)

بھارت کے یوم آزادی کے موقع پر وزیراعظم نریندر مودی نے 2036 اولمپکس کی میزبانی کا خواب سجالیا۔

بھارتی میڈیا کی رپورٹس کے مطابق آزادی کی تقریب سے خطاب کرتے ہوئے وزیراعظم نریندر مودی نے کہا کہ ہندوستان 2036 میں اولمپکس کی میزبانی کیلئے تیاری شروع کرچکا ہے، ہم تمام کھلاڑیوں کو مبارکباد دیتے ہیں جنہوں نے پیرس اولمپکس میں بھارت جھنڈا لہرایا۔

نریندر مودی نے کہا کہ جی 20 سمٹ جیسے بڑے ایونٹ کی میزبانی کرکے دنیا کو بتاچکے ہیں کہ ہمارا خواب 2036 میں اولمپکس کی میزبانی کرنا ہے۔

مزید پڑھیں: 'چیمپئینز ٹرافی 2025؛ بھارت آئے گا یا نہیں! ابھی سرکاری موقف نہیں آیا'

دوسری جانب بھارت 28 اگست سے شروع ہونے والے پیرس پیرا اولمپکس کے لیے 84 ایتھلیٹس کا اپنا سب سے بڑا دستہ میدان میں اتارا ہے، 84 ایتھلیٹ 12 کھیلوں میں حصہ لیں گے، جن میں تیر اندازی، ایتھلیٹکس، بیڈمنٹن، کینوئنگ، سائیکلنگ، بلائنڈ جوڈو، پاور لفٹنگ، روئنگ، شوٹنگ، تیراکی شامل ہیں۔ ، ٹیبل ٹینس، اور تائیکوانڈو شامل ہیں۔