سندھ حکومت نے اولمپئین ارشد ندیم کو 5 کروڑ کا انعامی چیک پیش کردیا

انڈس موٹرز کے سی ای او کا اولمپئین کو گاڑی دینے کا اعلان

ویب ڈیسک August 15, 2024

انڈس موٹرز کے سی ای او کا اولمپئین کو گاڑی دینے کا اعلان (فوٹو: ایکسپریس ویب)

پیرس اولمپکس میں پاکستان کیلئے 40 سال بعد گولڈ میڈل جیتنے والے اولمپئین ارشد ندیم کو سندھ حکومت نے 5 کروڑ روپے کا انعامی چیک دیدیا۔

ترجمان وزیراعلیٰ سندھ کا کہنا ہے کہ ارشد ندیم وزیراعلیٰ ہاؤس پہنچے جہاں وزیراعلیٰ سندھ مراد علی شاہ صوبائی کابینہ کے اجلاس میں بریک کر کے اولمپئین سے ملے جبکہ انکی آمد پر شاندار استقبال کیا گیا۔

وزیراعلیٰ سندھ سید مراد علی شاہ نے اولمپئین ارشد ندیم کو وزیراعلیٰ ہاؤس آنے کی دعوت دی تھی۔

مزید پڑھیں: گولڈ میڈلسٹ ارشد ندیم کا طلبا کیلئے 100 مفت لیپ ٹاپس کا اعلان

وزیراعلیٰ سندھ نے ارشد ندیم کے کوچ کیلئے 50 لاکھ روپے کے انعام کا اعلان کیا جبکہ اس موقع پر انڈس موٹرز کے سی ای او علی اصغر جمالی نے ارشد ندیم کو گاڑی دینے کا اعلان کیا۔

مزید پڑھیں: گورنر سندھ کا ارشد ندیم کیلئے 20 لاکھ روپے، پلاٹ اور اہل خانہ کو آئی فون کا تحفہ

سینئر صوبائی وزیر شرجیل انعام میمن نے ارشد ندیم کو کہا کہ آپ کو گاڑی کی رجسٹریشن کیلئے جو نمبر چاہئے وہ دیں گے جبکہ آپ سے رابطے میں رہیں گے، شرجیل میمن نے اولمپئین کی والدہ کیلئے بھی گاڑی دینے کا اعلان کیا۔

ارشد ندیم کو وزیراعلیٰ کی جانب سے سندھی ثقافتی تحائف اجرک، ٹوپی اور شیلڈ بھی دیئے گئے۔

مزید پڑھیں: مولانا طارق جمیل سے ارشد ندیم کی ملاقات؛ 5 لاکھ روپے انعام

اس موقع دیگر کابیہ اراکین میں وزیر بلدیات سعید غنی نے شہر کراچی میں سڑک کا نام ارشد ندیم رکھنے کا اعلان کیا، وزیر کھیل محمد بخش مہر نے بھی اپنی طرف سے ارشد ندیم کو چیک پیش کیا۔ میئر کراچی مرتضیٰ وہاب نے ارشد ندیم کے نام پر اکیڈمی قائم کرنے کا اعلان کیا۔