بالی وڈ اسٹار اداکار شاہ رخ خان نے ہالی وڈ انڈسٹری میں فلم نہ کرنے کی وجہ بتادی۔
ایک تازہ انٹرویو میں سپر اسٹار نے بتایا کہ اگر انہیں بالی وڈ میں ایسا کردار ملا جو ان کے اس انڈین رتبے کے برابر ہوگا جو انہیں انڈین عوام نے دیا ہے تو وہ اس فلم کو ضرور کریں گے اور وہ اچھی انگلش بھی بول لیں گے۔
اداکار نے بتایا کہ اب تک انہیں ایسا کوئی کردار نہیں ملا ہے اور نہ ہی اس کیلئے انہوں نے ہالی وڈ میں کوئی ایجنٹ رکھا ہوا ہے۔
یہ بھی پڑھیں : لوکارنو فلم فیسٹیول میں شاہ رخ خان کی مہنگی گھڑی توجہ کا مرکز بن گئی
شاہ رخ خان نے ہالی وڈ انڈسٹری کی تعریف کرتے ہوئے کہا کہ لوگوں تک پہنچ کے لحاظ سے ہالی وڈ دنیا کی سب سے بڑی اورعظیم انڈسٹری ہے۔
ان کا کہنا تھا کہ وہ کبھی کسی بھی انڈسٹری میں ایسا کردار نہیں کریں گے جو ان کے مداحوں کو کمتر محسوس ہو اور وہ اپنے مداحوں کی عزت کا لحاظ کرتے ہیں۔
یہ بھی پڑھیں : شاہ رخ خان نے بلاک بسٹر فلم 'دیوداس' کے تمام رائٹس حاصل کرلئے
اس موقع پر شاہ رخ خان کا کہنا تھا کہ ان کا خواب ہے کہ وہ ایک ایسی فلم بنائیں جسے عالمی طور پر پذیرائی ملے چاہے اس فلم میں ان کا کوئی بھی حصہ ہو۔