واٹس ایپ کا چیٹ تھیم فیچر پر کام جاری
فیچر کو استعمال کرتے ہوئے صارفین پیغام کا رنگ منتخب کرنے کے ساتھ پس منظر کی تصویر شامل کرسکیں گے
ٹیکنالوجی جائنٹ میٹا نے حال ہی میں واٹس ایپ میں بہت سارے نئے فیچر شامل کیے ہیں اور کمپنی کا رکنے کا کوئی ارادہ نہیں ہے۔
واٹس ایپ بِیٹا انفو کے مطابق میٹا نے اپنی اینڈرائیڈ ایپ کا نیا بیٹا ورژن جاری کیا ہے جس کا نمبر 2.24.17.19 ہے۔
اپ ڈیٹ کے ساتھ ، ڈویلپرز نے میسنجر میں چیٹ تھیم کے لئے سپورٹ شامل کی ہے۔ سپورٹ کے تحت صارفین پیغام کا رنگ منتخب کرسکتے ہیں اور پس منظر کی تصویر شامل کرسکتے ہیں۔ اسی طرح کا فیچر طویل عرصے سے ٹیلی گرام، فیس بک میسنجر اور دیگر ایپلی کیشنز میں دستیاب ہے۔
(تصویر: واٹس ایپ بِیٹا انفو)
اگر آپ اینڈروئیڈ پر واٹس ایپ کے بیٹا ورژن کی آزمائش کرنا چاہتے ہیں تو آپ کو گوگل پلے اسٹور میں ٹیسٹنگ میں شامل ہونا ہوگا۔ واضح رہے کہ رجسٹریشن کا وقت ہمیشہ دستیاب نہیں ہے۔
دوسری جانب ابھی تک یہ معلوم نہیں ہے کہ واٹس ایپ میں چیٹ کے موضوعات کب ظاہر ہوں گے۔