محکمہ صحت خیبر پختونخوا کی جانب سے منکی پاکس کی علامات کے حوالے سے مفاد عامہ کا پیغام جاری کیا گیا ہے۔
ڈائریکٹر پبلک ہیلتھ ڈاکٹر ارشاد روغانی نے بتایا کہ ایم پاکس عام طور پر فلو جیسی علامات سے شروع ہوتا ہے۔ ان علامات میں بخار، سر درد، پٹھوں میں درد اور تھکن، جو ایک یا دو دن جاری رہ سکتی ہے۔ بخار کے ایک سے 3 دن بعد دانے نکل آتے ہیں جو کچھ دن بعد جسم پر مزید ظاہر ہونے لگتے ہیں۔
انہوں نے بتایا کہ جسم ان علامات سے لڑتا ہے، لیمفاڈینوپیتھی، یا بڑھا ہوا لمف نوڈس، ابتدائی علامات کے بعد ظاہر ہوتا ہے۔ علامات ظاہر ہونے پر مریض فوری طور پر دوسرے لوگوں سے خود کو الگ کرے اور ڈاکٹر سے رجوع کرے۔
ڈاکٹر ارشاد نے کہا کہ اگر آپ وائرس سے متاثر ہوتے ہیں، تو اس کا انکیوبیشن کا دورانیہ بہت طویل ہوتا ہے۔ ایک بار جب وائرس جسم میں داخل ہوتا ہے، تو یہ سب سے پہلے اندرونی اعضا کو متاثر کرتا ہے، جنہوں نے حال ہی میں وسطی یا مغربی افریقا یا یورپ کے اندر ایسے علاقوں کا سفر کیا ہے۔وہ فوری قریبی اسپتال میں اپنا معائنہ کروائیں۔
پیغام میں مزید کہا گیا ہے کہ عام طور پر متاثرہ شخص کو زیادہ سے زیادہ 21 روز تک دوسرے لوگوں سے میل جول نہیں رکھے ورنہ وائرس منتقل ہوسکتاہے۔ عالمی ادارہ صحت کے مطابق منکی پاکس وائرس میں شرح اموات 3.6 فیصد سے 10.6 فیصد تک ہے۔ منکی پاکس سے متاثرہ شخص کے لیے ضروری ہے کہ وہ خود کو آئسولیٹ کرلے حتیٰ کہ مرض کی تمام علامات ختم ہوجائیں۔ مریض کے زیر استعمال چیزوں کو اچھی طرح صاف کریں اور غیر ضروری سامان کو تلف کردیں۔